नेपालभाषा चलचित्र एवं म्यूजिक भिडियो क्षेत्रकी एक चर्चित नायिका रोजिना सुवाल आउँदो श्रावण २३ गते शनिबार कीर्तिपुरस्थित नेवाः एफएम १०६.६ मेगाहर्जको ‘ई...द टाईम’ कार्यक्रममा सहभागी हुने भएकी छिन् ।

शनिबार बिहान ७ः४० देखि ८ः४० सम्म उक्त नेवाः एफएम १०६.६ मेगाहर्जबाट प्रत्यक्ष प्रसारण हुने सांगितिक कार्यक्रम ‘ई...द टाईम’का संचालक संचारकर्मी ललेन्द्र शाक्य हुन् ।

कलाकारहरुको मनका कुरा एवं सहभागी कलाकारहरुकै सम्बन्धित गीत संगीत प्रस्तुत गरिने उक्त ‘ई...द टाईम’मा चर्चित नायिका रोजिना सुवालले आफ्ना अतितदेखि वर्तमान र भविष्यका तीतामिठा संगालोहरु दर्शकमाँझ पस्किने छिन् ।

भक्तपुर निवासी नायिका सुवालले सर्वप्रथम नेपालभाषाको चर्चित गीत ‘जिगु वैशं धाल जि ला ल्यासे जुयावल रे...’ बोलको गीतको म्यूजिक भिडियोमा अभिनय गरेकी हुन् । यही गीतबाट नायिका रोजिना सुवाललाई चर्चितताको शिखरमा होस्तेमा हैंस्से गरी धकेली दियो ।

रोजिना सुवालले थुप्रै चर्चित म्यूजिक भिडियोहरुमा अभिनय गरि आफ्नो निख्खर प्रतिभालाई प्रस्फुटन गरिसकेकी छिन् भने विभिन्न चलचित्र एवं सर्ट मूमिहरुमा आफ्नो कलालाई विभिन्न भूमिकामा उजागर गरिसकेकी छिन् ।

Categorized in साहित्य-कला