ललेन्द्र शाक्य

ललितपुर पुल्चोकस्थित निदान अस्पतालमा कार्यरत कीर्तिपुर १ वडा बाघभैरव ह्वाकुंचा टोलका महिला कर्मचारीको कोरोना भाइरस कोभिड–१९ परीक्षण रिपोर्ट नेगेटिभ आएको छ । कीर्तिपुरका स्थानीयको रिपोर्ट नेगेटिभ आएपछि कीर्तिपुरबासीमा खुशी छाएको छ । स्थानीय धनबहादुर महर्जनले दिनुभएको जानकारीअनुसार निदान अस्पतालमा कार्यरत ती महिलासँगै अन्य ३ जना कर्मचारीको रिपोर्ट पनि नेगेटिभ आएको छ । निदान अस्पतालमा कार्यरत स्वास्थ्यकर्मीमा कोरोना भाइरस संक्रमणको पुष्टि भएपछि बुधबार अस्पताल नै सिल गरिएको थियो । अस्पतालका चिकित्सकलगायत सम्पूर्ण कर्मचारी, बिरामी, कुरुवाहरुको परीक्षण गरिएको थियो । ती सबै परीक्षणको रिपोर्ट आउन बाँकी छ । Categorized in उपत्यका